Tumhain Jab Kabhi Milain Furstain Merey Dil Sey Bojh Otar Do
Aitbar Sajid
Tumhain Jab Kabhi Milain Furstain Merey Dil Sey Bojh Otar Do
Main Boht Dinon Sy Udaas Hon Mujhay Koi Shaam Odhar Do
Mujhay Apnay Roop Ki Dhoop Do K Chamak Sakain Merey Khad-o-Khaal
Mujhay Apnay Rang Main Rang Do Merey Sary Zang Otar Do
Kisi Or Ko Merey Haal Sey Na Koi Gharz Hai Na Koi Wasta
Main Bikhar Gaya Hon Sameet Lo Main Bigar Gaya Hon Sanwar Do
Meri Wahshatoun Ko Barha Diya Hai Judaiyoon Kay Azab Nay
Merey Dil Pey Hath Rakho Zra Meri Dharkanoun Ko Karar Do
Tumhain Subha Kaisi Lagi Kaho Meri Khawahishoun Ky Deyar Ki
Jo Bhali Lagi Tu Yahin Raho Isay Chahto Sey Nikhar Do
Wahan Ghar Main Kon Hai Muntazir K Fikar Ho Dair Sawair Ki
Bari Mukhtasir Si Ye Raat Hai Isay Chaandni Main Guzar Do
