Hum Khuwabon K Beopari Thay

Hum Khuwabon K Beopari Thay Par Is Main Hua Nuqsan Bara

Ahmad Faraz

Hum Khuwabon K Beopari Thay Par Is Main Hua Nuqsan Bara
Kuch Bakht Main Dhai'roon Kalak Thi Kuch Ab K Ghazab Ka Kaal Para
Hum Raakh Leye Hain Jholi Men Or Sar Pay Hay Sahoo-kaar Khara

Yahan Boond Nahi Hay Dee'way Main Who Bhajh Baiajh Ki Baat Karay
Hum Baanjh Zmeen Ko Taktay Hain Who Dhor Anaj Ki Baat Karay
aHum Kuch Din Ki Mohlat Mangain Woh Aaj He Aaj Ki Baat Karay

Jab Dharti Sehra Sehra Thi Hum Darya Darya Royee Thay
Jab Haath Ki Rai'khaen Chup Thi Or Sur Sangeet Men Soyee Thay
Tab Hum Ne Jeevan Ghaati Main Kuch Khuwab Ano'khay Boyee Thay

Kuch Khuwab Sajal Muskanoo K Kuch Bol Kibat Deewanoo K

Kuch Lafz Jinhain Maani Na Milay Kuch Geet Shikesta Janoun K
Kuch Neer Wafa Ki Shamoun K Kuch Par Pagal Parwanoun K

Phir Apni Ghaayal Aankhon Say Khush Ho K Lahoo Chirkaya Tha
Maati Main Mass Ke Khaad Bhari Aur Nas Nas Ko Zakhmaya Tha
Aur Bhool Gayee Pichli Rut Main Kya Khoya Tha Kya Paya Tha

Har Baar Gagan Ne Waihem Diya Ab K Bar'kha Jab Aye Gi
Har Beej Say Konpal Phoon'te Ge Aur Har Konpal Phaal Laye Gi
Sar Pay Chaya Chat're Hogi Or Dhoop Ghata Ban Jayee Gi

Jab Fasal Kati To Kya Daikha Kuch Dard K Tootey Gaj'ray Thay
Kuch Zakhmi Khuwab Thay Kanton Par Kuch Khaks'tar Day Kaj'ray Thay
Or Door Ufq K Sagar Main Kuch Doltey Doobtey Baj'ray Thay

Ab Paaon Khara Hon Dhool Bhari Aur Jism Pay Joog Ka Culaa hay 

Sab Sangi Saathi Bhaid Bharay Koi Maasha Hay Koi Tola Hay
Os Taak Main Wohh Iss Ghaat Main Yeh Har Oorr Thagoun Ka Tola Hay

Ab Ghaat Na Ghar Dehleez Na Dar Ab Pass Raha Hay Kya Baba
Bas Tann Ki Gath’ri Baqi Hay Ja Yeh Bhi To Lay Ja Baba
Hum Basti Choray Jatey Hain Tou Apna Karz Chuka Baba