Taj mahal

Sahir Ludhyanwi

Taj Mahal

Taj tere liye ik mazahar-e-ulfat hi sahi
tum ko is vadiy-e-rangin s aqidat hi sahi
meri mahbob kaheen aur mila kar mujh se!
bazm-e-shahi mein gharibon ka guzar kya manie
sabt jis reh pe hon satvat-e-shahi ke nishan
us pe olfat bhari rahon ka safar kya mani
meri mahbob pas-e-parda-e-tashir-e-wafa
tu ne satvat ke nishanon ko to dekha hota
murda shahon k maqabir se bahalny wali
apne tarik makanon ko to dekha hota
an ginnat logon ne duniya mein muhabbat ki hai
kon kehta hai ki sadiq na the jazbey un ke
lekin un ke liye tashir ka saman nahi
q ke wo log bhi apni hi tarah mufalis they
ye imarat-o-maqabir ye fasilen, ye hisar
mu'tal qul hukm shahanashahon ke azmat k sutoun
daman-e-dahar pe us rang ki gulkari hai
jis mein shamil hai terey aur merey ajdad ka khoon
meri mahabob! onhen b to mohabbat ho gi
jin ki sannai ne bakhshi hai isey shakl-e-jamil
un ke pyaron ke maqabir rahey benam-o-namoud
aj tak un pe jalai na kisi ne qandil
ye chamanzar ye jamna ka kinara ye mahal
ye munaqqash dar-o-divar, ye maharab ye taq
ik shahan-shah ne daulat ka sahara ley kar
hum gharibon ki mohabbat ka uraya hai mazak
meri mahbob kahein aur mila kar mujh se!