Mujhe khud sey mohabbat hai
mohabbat bhi kuch aisi
jo kisi sehraa ko baarish sey
ke baarish jis qadar bhi toot ker barsey
zara pal bhar ko pyaasi rait ke lab bheeg jate hein
magar bas ik zara pal bhar
Mujhe khud sey mohabbat hai
mohabbat bhi kuch aisi jo parindon ko fazaa'on se, gulon ko khushboo'on sey
manzaron ko lehla'atay moasamon se
jis mein choonay, jazb rakhnay, aur galay mil ke hamesha muskuranay ke liye
chahaton aur khwahishon ki sab hadon ko paar ker jaye
Mujhe khud sey mohabbat hai magar
itni nahin jitni merey sodaii ko mujh se
woh apney raat aur din, dhoop chaoon, saahilon, daryaa kinaron ko
faqat ik mere nuqtay mein samaitey
aur meri chahaton mein
aankh sey dil, rooh sey wajdaan ki har kaifiyet mein doobta, rota, ubharta, muskurata
zaat aur maarooz ke saare hawalon se kabhi ka kat chuka hai
Aur mujhe us se mohabbat hai
mohabbat bhi kuch aisi
jo kisi sehraa ko baarish se