Bandh Lain Hath Pey Seenay Pey Saja Lain Tum Ko
Wasi Shah
Bandh Lain Hath Pey Seenay Pey Saja Lain Tum Ko
Jee Main Ata Hai K Taweez Bana Lain Tum Ko,
Phir Tumhain Roz Sanwarain, Tumhain Bharta Dekhain
Kyun Na Angan Main Chanbeli Sa Laga Lain Tum Ko
Jaise Balon Main Koi Phool Chuna Karta Hai
Ghar K Guldan Main Phoolon Sa Saja Lain Tum Ko
Kya Ajab Khuwaishain Uthti Hain Hamare Dil Main
Kar K Munna Sa Hawaon Main Uchalain Tum Ko
Is Qadar Toot K Tum Pey Humain Pyaar Aata Hai
Apni Bahon Main Bharain Mar Hi DaLain Tum Ko
Kabhi Khwabon Ki Trah Aankh K Parday Main RAho
Kabhi Khwahish Ki Trah Dil Main Bulalain Tum Ko
Hai Tumare Liye Kuch Aisi Aqeedat Dil Main
Apney Haathon Main Duaon Sa Otha Lain Tum Ko
Jan Denay Ki Ijazat Bhi Nahin Detay Ho
Warna Mar Jayein, Abhi Mar K Mana Lain Tum Ko
Ab To Bas Ek Hi Khuwaish Hai Kissi Mor Pe Tum
Hum Ko Bikhray Hway Mil Jao Sanbhalain Tum Ko